16.01.2026 | 22:53
Հայաստանի մի շարք հասցեներում էլեկկտրաէներգիայի անջատումներ կլինեն
Փաշինյանը՝ Ադրբեջանի վերջին հարձակման, հնդկական ԶԼՄ-ները՝ ՀՀ-ին 250 մլն-ի զենք վաճառելու մասին․ Լուրեր
29.09.2022 | 13:52
- Վարչապետ Նիկոլ Փաշինյանն այսօր ասել է, որ Ադրբեջանի երեկվա հարձակումը տեղի է ունեցել հայկական տարածքում ինժեներական աշխատանքներ իրականացնող հայկական զինված ուժերի զինծառայողների վրա, և հարվածները հասցնող ադրբեջանական ուժերը նույնպես եղել են Հայաստանի տարածքում։ Ադրբեջանի այս նոր ագրեսիայի հետևանքով, հիշեցնենք, երեք հայ զինծառայող է զոհվել։
- Պաշտպանության նախարարությունից այսօր կեսօրին հայտնել են, որ ժամը 11:00-ի դրությամբ հայ-ադրբեջանական սահմանին իրադրության փոփոխություն չի արձանագրվել։
- Կառավարության նիստի ժամանակ Նիկոլ Փաշինյանը նաև ասել է, որ Ադրբեջանը փորձում է այնպես անել, որ Հայաստանին զենք չմատակարարվի։ Ըստ Փաշինյանի՝ կան դեպքեր, երբ հարյուր միլիոնավոր դոլարներ վճարված են, բայց ՀՀ-ի նկատմամբ մատակարարումների պարտավորությունները չեն կատարվում, այդ թվում՝ դաշնակից երկրների կողմից։
- Հնդկական մամուլը գրել է, որ Հնդկաստանը Հայաստանին զենք և զինամթերք մատակարարելու մի շարք պայմանագրեր է կնքել այս ամսվա սկզին։ Աղբյուրի տվյալներով՝ 250 մլն դոլարի պատվերը ներառում է նաև Pinaka համազարկային կրակի ռեակտիվ կայաններ, որոնք պետք է առաջին անգամ արտահանվեն։
Այս ժամի լուրերը՝ տեսանյութում։
