Այո´, Փաշինյանի հետ քննարկումների պատրաստ եմ. Ռոբերտ Քոչարյան․ ՏԵՍԱՆՅՈՒԹ

Եթե ոչ կապիտուլյացիայի համար, ապա ո՞ր հարցերի դեպքում է ՀՀ երկրորդ նախագահ Ռոբերտ Քոչարյանը պատրաստ  հանդիպել ՀՀ վարչապետ Նիկոլ Փաշինյանի հետ, ՀՀ երկրորդ նախագահ Ռոբերտ Քոչարյանն այսօր հրավիրված ասուլիսի ժամանակ այս հարցին ի պատասխան նշեց, որ, այո՛, պատրաստ է հանդիպել Փաշինյանի հետ՝ քննարկելու ստեղծված իրավիճակից դուրս գալու ելքերը:

«Այո՛, պետք է քննարկումներ ունենալ և դրանով ինչ-որ լուծումների գալ»,- նշեց ՀՀ երկրորդ նախագահը։

«Մարդկանց մոտ մեծ սպասելիքներ են առաջացել, թե նախկին նախագահները և Վեհափառը լուծում են գտնելու ստեղծված իրավիճակից։ Ժողովո՛ւրդ ջան, այս իրավիճակից լուծում պետք է գտնի և այդ ճանապարհով տանի իշխանությունը․․․

Ճգնաժամից երկիրը դուրս են հանում են, ոչ թե նախկին նախագահները, որ այսօր լծակներ չունեն, կամ Վեհափառը, այլ իշխանությունը»,- նշեց Քոչարյանը։

Հիշեցնենք՝ օրեր առաջ՝ սեպտեմբերի 22-ին հանդիպում էր տեղի ունեցել Ն․Ս․Օ․Տ․Տ․ Գարեգին Երկրորդ ամենայն հայոց կաթողիկոսի և ՀՀ նախագահներ Լևոն Տեր-Պետրոսյանի, Ռոբերտ Քոչարյանի, Սերժ Սարգսյանի, ինչպես նաև ԼՂՀ նախագահներ Արկադի Ղուկասյանի և Բակո Սահակյանի միջև, որի ընթացքում, ըստ հաղորդագրության՝ կայացել էր «շահագրգիռ քննարկում Հայաստանում ստեղծված իրավիճակի առնչությամբ և որոշում էր կայացվել շարունակել հանդիպումները»։

Ավելի վաղ՝ «Մոսկվա» կինոթատրոնի կարմիր դահլիճում Ռոբերտ Քոչարյանը փակ հանդիպում էր ունեցել իր մի խումբ համախոհների հետ։

Մանրամասները՝ տեսանյութում։