09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
«Հանրաքվեներից հետո Դոնբասը վերադարձնելու՝ Ուկրաինայի փորձերը կդիտարկենք որպես ՌԴ տարածքի վրա հարձակում»․ Պեսկով
Քաղաքականություն
23.09.2022 | 22:48
Ռուսաստանը «հանրաքվեների» դրական արդյունքի դեպքում Դոնբասն ու մյուս տարածքները վերադարձնելու փորձերը կդիտարկի որպես իր հողերի վրա գրոհ։ Այս մասին այսօր հայտարարել է Կրեմլի մամուլի խոսնակ Դմիտրի Պեսկովը, գրում է BBC-ի ռուսական ծառայությունը։
Ըստ Պեսկովի՝ ՌԴ կազմի մեջ մտնելու մասին որոշումից հետո այդ տարածքների նկատմամբ կսկսի գործել ՌԴ Սահմանադրությունը։
Հիշեցնենք, որ սեպտեմբերի 23-ին ինքնահռչակ ԴԺՀ-ում և ԼԺՀ-ում, ինչպես նաև Ռուսաստանի կողմից վերահսկվող Զապորոժիեի և Խերսոնի շրջանների որոշ հատվածներում սկսվել են «հանրաքվեներ»՝ Ռուսաստանի Դաշնությանը միանալու վերաբերյալ։ Քվեարկությունը կտևի մինչև սեպտեմբերի 27-ը ներառյալ։
Ուկրաինան և արևմտյան երկրները հայտարարել են, որ այդ «քվեարկությունը» որևէ իրավական ուժ չի կարող ունենալ։
Տաթև Ֆռանգյան
