27.02.2026 | 23:31
Ստեփանծմինդա-Լարս ավտոճանապարհը փակ է
Կարեն Անդրեասյանը` «Եռաբլուրում» սևազգեստ մայրերի մասնակցությամբ միջադեպի մասին
Հասարակություն
22.09.2022 | 12:05
«Վստահեցնում եմ՝ ոստիկանները քաղաքական հրահանգ չեն կատարում»,- լրագրողների հետ զրույցում հայտարարեց արդարադատության նախարար Կարեն Անդրեասյանը՝ անդրադառնալով երեկ «Եռաբլուր» զինվորական պանթեոնում զոհված զինծառայողների հարազատների նկատմամբ ոստիկանության կիրառած բռնությանը և հարցին, թե քաղաքական հրահանգ չի՞ եղել, որ ոստիկանները պետք է բացեին վարչապետի և մյուս պաշտոնյաների ճանապարհը։
Կարեն Անդրեասյանի խոսքով՝ աշխատանքներ են իրականացվում՝ ոստիկանության բարեփոխումների հետ կապված։ «Ոոստիկանությունը կա և պետք է լինի ապաքաղաքական մարմին։
Այլ հարց է, որ ոստիկանները հայտնվում են քաղաքական իրավիճակներում, լինում են ինքնագործունեություններ, լինում են սխալներ, բացթողումեր։ Կարծում եմ՝ երեկվա դեպքի առնչությամբ ոստիկանությունը կիրականացնի մանրակրկիտ ներքին քննություն և կտա արձագանք»։
Անդրադառնալով հարցին՝ երեկ «Եռաբլուրում» մարդու իրավունքներ ոտնահարվե՞լ են, թե ոչ, Անդրեասյանը նշեց․ «Մարդու իրավունքներ ոտնահարվել են, թե ոչ, դա իմանալու համար ես պետք է ծանոթանամ գործողությունների բոլոր մանրամասներին․ նման գնահատական կարող է տալ կա՛մ ոստիկանությունը, կա՛մ դատարանը, կա՛մ ՄԻՊ-ը։ Ես, որպես գործադիրի ներկայացուցիչ, ցավ եմ ապրել՝ տեսնելով, որ իրավիճակը լարվել է, այն էլ՝ այդպիսի սրբավայրում, և սպասում եմ ոստիկանության արձագանքին»։
Մանրամասները՝ տեսանյութում։
