«Սուրմալու» առևտրի կենտրոնի վնասված շինության մասնակի փլուզման հետևանքով 3 մարդ է տուժել։ Այս մասին Factor.am-ին փոխանցեց ՀՀ ԱԻՆ խոսնակ Հայկ Կոստանյանը։
«Երկուսը տեղում բուժօգնություն են ստացել, մեկը տեղափոխվել է հիվանդանոց։ Այս պահին ԱԻՆ հատուկ նշանակության փրկարարական աշխատանքներ իրականացնող կենտրոնի աշխատակիցները տեղում իրականացնում են աշխատանքներ»,- հավելեց ԱԻՆ խոսնակը։
Հիշեցնենք՝ սեպտեմբերի 21-ին, ժամը 17:45-ին Ճգնաժամային կառավարման ազգային կենտրոն ահազանգ է ստացվել, որ Երևանի «Սուրմալու» առևտրի կենտրոնի վնասված շինությունը մասնակի փլուզվել է. տեղեկացնում են ՀՀ ԱԻՆ-ից։ Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ և Փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։
Արփի Հակոբյան
