Ռուսաստանում մասնակի մոբիլիզացիա է․ Եռաբլուրից բերման են ենթարկվել զինվորների ծնողներ․ Լուրեր․ ՏԵՍԱՆՅՈՒԹ

• Առավոտյան ոստիկանության ուժերը Եռաբլուրից բերման են ենթարկել զոհված զինծառայողների հարազատներին, որոնք գիշերվանից այնտեղ էին և հայտարարել էին, որ թույլ չեն տալու, որ իշխանության ներկայացուցչներն այցելեն զինվորական պանթեոն։
• Ականատեսները պատմել են, որ զինծառայողների ծնողներին բերման են ենթարկել վաղ առավոտյան, քաշքշելով ու գետնին տապալելով։  Ավելի ուշ ոստիկանությունից հաստատել են, որ Եռաբլուր զինվորական պանթեոնից այսօր՝ սեպտեմբերի 21-ին, ոստիկանները բերման են ենթարկել 37 քաղաքացու։
• Եռաբլուրում լրագրողների հետո զրույցում ՀՀ ՊՆ մամուլի խոսնակ Արամ Թորոսյանը հայտնել է, որ առավոտյան ժամը 8.30-ի դրությամբ առաջնագծում իրադրության փոփոխություն չկա: Հարցին, թե հաջողվե՞լ է ադրբեջանական խմբերին հեռացնել Ջերմուկի ուղղությամբ հայկական տարածքներից, Թորոսյանն ասել է, որ ԳՇ պետի այդ հայտարարությունից հետո իրավիճակը չի փոխվել։
• Ռուսաստանի նախագահ Վլադիմիր Պուտինը հեռուստատեսային ուղերձով է հանդես եկել  և հայտարարել երկրում մասնակի մոբիլիզացիայի մասին։ Պուտինն ասել է, որ զորակոչի են ենթարկվում միայն այն քաղաքացիները, որոնք այս պահին պահեստազորում են և առաջին հերթին նրանք, որոնք ծառայություն են անցել զինված ուժերում, ունեն որոշակի ռազմաուսումնական մասնագիտություն և համապատասխան փորձ։ ՌԴ պաշտպանության նախարար Սերգեյ Շոյգուն հայտարարել է, որ մասնակի մոբիլիզացիայի շրջանակներում զորակոչվելու է 300000 պահեստազորային

Այս ժամի լուրերը՝ տեսանյութում։