16.01.2026 | 22:53
Հայաստանի մի շարք հասցեներում էլեկկտրաէներգիայի անջատումներ կլինեն
ՊՆ խոսնակը` հրադադարի խախտման մասին․ ՏԵՍԱՆՅՈՒԹ
21.09.2022 | 09:24
Առավոտյան ժամը 8.30-ի դրությամբ առաջնագծում իրադրության փոփոխություն չկա: Այս մասին, այսօր՝ սեպտեմբերի 21-ին, «Եռաբլուր» պանթեոնում լրագրողների հետ զրույցում նշեց ՊՆ խոսնակ Արամ Թորոսյանը:
«Հակառակորդի կրակոցի հետևանքով ցանկացած վիրավորի դեպքում Պաշտպանության նախարարությունն այդ մասին պաշտոնական հաղորդագրություն տարածում է»,-ասաց նա:
Անդրադառնալով զոհվածների անունները չհրապարակելու վերաբերյալ հարցին՝ ՊՆ խոսնակը նշեց. «ՊՆ-ն երբեք չի ասել, որ չի հրապարակելու: Մենք ասել ենք, որ առաջնորդվում ենք միայն ճշգրիտ, անսխալական տեղեկատվությամբ: Բոլոր անվանացուցակները հրապարակվելու են վերջնական ճշգրտումից հետո»:
Հարցին, թե հաջողվե՞լ է ադրբեջանական խմբերին հեռացնել Ջերմուկի ուղղությամբ հայկական տարածքներից, թե՞ ինչպես ԳՇ պետն ասաց՝ սպասում եք, որ պաշարները վերջանան և ինքնուրույն հետ գնան, ՊՆ խոսնակը պատասխանեց. «ԳՇ պետի կողմից իրավիճակը ներկայացնելուց հետո իրավիճակի որևէ փոփոխություն տեղի չի ունեցել»:
Մանրամասները՝ տեսանյութում։
