26.06.2026 | 10:03
ՌԴ-ն ամբողջությամբ սահմանափակել է ձկնամթերքի մատակարարումը Հայաստանի բոլոր ձեռնարկություններից
Հակառակորդը շուրջ 10 րոպե կրակել է Ներքին Հանդի ուղղությամբ․ համայնքապետը մանրամասներ է փոխանցում
Քաղաքականություն
20.09.2022 | 23:01
Ադրբեջանական ԶՈւ ստորաբաժանումների կողմից քիչ առաջ հրադադարի խախտման ժամանակ կրակոցներ են լսվել Սյունիքի մարզի Ներքին Հանդ համայնքում։ Համայնքի ղեկավար Խաչիկ Բաղդասարյանը Factor.am-ին փոխանցեց, որ կրակել են մոտ 10 րոպե շարունակ։
«Քիչ առաջ տարբեր տեսակի ու տրամաչափի զինատեսակներից կրակում էին։ Բնակավայրերի ուղղությամբ, բարեբախտաբար, չեն կրակել»,- ասաց Բաղդասարյանը։
Ըստ գյուղապետի՝ ադրբեջանական կողմը փխրուն հրադադարից հետո առաջին անգամ է խախտել լռությունը։ Այս պահին Ներքին Հանդում կրակոցներ չեն հնչում։
ՀՀ ՊՆ-ն ավելի վաղ հայտնել էր, որ սեպտեմբերի 20-ին, որոշակի պարբերականությամբ, Ադրբեջանի ԶՈւ ստորաբաժանումները խախտել են հրադադարի ռեժիմը` հայ-ադրբեջանական սահմանի արևելյան ուղղությամբ կիրառելով հրաձգային զինատեսակներ: Այս մասին հայտնում են ՊՆ-ից: Ժամը 22:30-ի դրությամբ՝ իրադրությունը սահմանին կայուն է, կրակոցներ չկան:
Հիշեցնենք նաև, որ Ադրբեջանի ԶՈւ ստորաբաժանումները սեպտեմբերի 13-ի կեսգիշերից ինտենսիվ կրակ էին բացել Գորիսի, Սոթքի և Ջերմուկի ուղղությամբ։ Հրետանային միջոցներից, խոշոր տրամաչափի հրաձգային զինատեսակներից բացի՝ հակառակորդը կիրառում էր նաև հարվածային ԱԹՍ-ներ: ՀՀ ինքնիշխան տարածքի դեմ ադրբեջանական ագրեսիայի հետևանքով հայկական կողմն ունի 207 զոհված և անհետ կորած քաղաքացի։
Սեպտեմբերի 14-ին՝ ժամը 20։00-ից հայ-ադրբեջանական սահմանի երկայնքով հրադադար է հաստատվել։ ԱԽ քարտուղար Արմեն Գրիգորյանն էլ նշել էր, որ հնարավոր է եղել հասնել հրադադարի միջազգային հանրության ջանքերի շնորհիվ։
Արփի Հակոբյան
