12.03.2026 | 23:35
Վթար Երասխ-Երևան ավտոճանապարհին․ կան տուժածներ
Փաշինյանը պե՛տք է ընդունի ԱՄՆ-ի առաջարկը՝ դուրս գալ ռուս-թուրքական դաշինքից, ուր կորցնում ենք կյանքեր և հողեր․ Տիգրան Խզմալյան․ ՏԵՍԱՆՅՈՒԹ
Քաղաքականություն
20.09.2022 | 22:02
Հայաստանի հասարակության զգալի մասն արդեն հասկացել է, որ ռուսական ստրկական սապոգի տակ մնալը մահաբեր է։ Ես չեմ կարծում, որ ՀՀ կառավարությունում նստած են մտավոր խնդիրներ ունեցող մարդիկ, որոնք չեն տեսնում հանրային այս տրամադրությունները, ըստ այդմ՝ Փաշինյանի իշխանությունը պետք է կատարի հայերի մեծ մասի կամքը՝ Հայաստանը դուրս բերելով ՀԱՊԿ-ից։ Factor TV-ին տված հարցազրույցում այս մասին հայտարարեց Հայաստանի Եվրոպական կուսակցության ղեկավար Տիգրան Խզմալյանը, որն այսօր մասնակցել է վարչապետի հետ հանդիպմանը՝ քննարկելու Ադրբեջանի ագրեսիայից հետո ստեղծված իրավիճակը։
«Պատրա՞ստ ենք դուրս պրծնել խորտակվող «Տիտանիկից», չե՞նք հասկանում, որ ՀԱՊԿ-ն մահաբեր է․ չեմ կարծում՝ կառավարությունում սա չեն տեսնում։ Փաշինյանը պե՛տք է ընդունի ԱՄՆ-ի առաջարկը՝ դուրս գալ ռուս-թուրքական դաշինքից, ուր կորցնում ենք կյանքեր և հողեր»,- ասաց Տիգրան Խզմալյանը։
Հարցազրույցն ամբողջությամբ՝ տեսանյութում։
Ռոբերտ Անանյան
