13.01.2026 | 23:28
ՆԳՆ շրջիկ սպասարկման գրասենյակները ծառայություններ կմատուցեն Գեղարքունիքի և Վայոց ձորի մարզերում
ՀԱՊԿ առաքելությունը մեկնել է Հայաստանից, սակայն ՀՀ-ի դեմ ադրբեջանական ագրեսիայի մասին որևէ արձանագրում չի արել
Քաղաքականություն
20.09.2022 | 14:33
Հայաստան ժամանակ ՀԱՊԿ առաքելության առաջապահ խումբը երեկ մեկնել է Հայաստանից։ Սակայն ռազմական դաշինքը, որի կազմում է նաև ՀՀ-ն, և որին ռազմական օգնություն տրամադրելու համար դիմել էր Հայաստանը, այցից հետո այդպես էլ որևէ կերպ չի արձանագրել Հայաստանի սուվերեն տարածքի վրա Ադրբեջանի հարձակման փաստն ու ՀՀ-ին ռազմական օգնություն տրամադրելու անհրաժեշտությունը։
Այցի վերաբերյալ ՀԱՊԿ պաշտոնական կայքում հաղորդագրություն է հրապարակվել, որում ասվում է, որ կայացել է «մտքերի կառուցողական փոխանակում»։
«Սույն թվականի սեպտեմբերի 19-ին ՀՀ Պաշտպանության նախարարությունում կայացել է Հայաստանում ՀԱՊԿ առաքելության առաջնային խմբի աշխատանքների արդյունքներով հանդիպում։ Գեներալ-գնդապետ Անատոլի Սիդորովը, որը ղեկավարում էր խումբը, տեղեկացրել է ՀՀ ՊՆ ղեկավար Սուրեն Պապիկյանին Հայաստանի և Ադրբեջանի սահմանի առանձին հատվածներում իրավիճակի վերլուծության արդյունքները՝ հիմնական եզրակացությունների ու համապատասխան միջոցների առաջարկների վերաբերյալ։ Կայացել է մտքերի կառուցողական փոխանակում։ Առաջատար խմբի կողմից մշակված առաջարկներն ուղղված են լարվածության թուլացմանը, որն առաջացել է։ Հանդիպումից հետո խումբը մեկնել է Մոսկվա»,- ասված է հաղորդագրության մեջ։
Տաթև Ֆռանգյան
