Ադրբեջանը հնարավոր է՝ հարձակվի նաև Նախիջևանի կողմից․ ՀՀ ԶՈՒ կորուստների նոր թիվ է հրապարակվել․ Լուրեր

• Ադրբեջանի ագրեսիայի հետեւանքով հայկական կողմի զոհվածների եւ անհետ կորածների թիվը հասնում է 207-ի, այդ թվում՝ զոհվել է քաղաքացիական 3 անձ, 2 քաղաքացիական անձի գտնվելու վայրը համարվում է անհայտ։ Այս մասին նշվում է վարչապետ Նիկոլ Փաշինյանի ղեկավարությամբ այսօր անցկացված ԱԽ նիստում ընդունված  հայտարարության մեջ։ Նշվում է, որ վիրավորվել է 293 զինծառայող, 7 քաղաքացիական անձ, գերեվարվել է 20 զինծառայող: Ադրբեջանի զինված ուժերի կողմից թիրախավորվել են 36 բնակավայրեր, այդ թվում Գորիս, Սիսիան, Կապան, Ջերմուկ, Վարդենիս, Տեղ, Գեղամասար համայնքները, ինչի հետեւանքով մասնակի կամ ամբողջական ավերվել են 192 տուն, ինչպես նաև այլ բնակելի օբյեկտներ ու ենթակառուցվածքներ։
• Հայտարարության մեջ նաև նշվում է, որ Հայաստանի Հանրապետությունն իրեն հասու բոլոր միջոցներով պաշտպանելու է իր անկախությունը, ինքնիշխանությունը, տարածքային ամբողջականությունը: Ադրբեջանական զորքերը պետք է դուրս գան ՀՀ օկուպացված տարածքներից:
• Ադրբեջանը պատրաստվում է նոր հարձակման՝ ընդլայնելով աշխարհագրությունը։ Այս մասին հայտարարել է ԱԺ նախագահի տեղակալ Հակոբ Արշակյանը՝ Հայաստանում Ճապոնիայի դեսպանի հետ հանդիպման ժամանակ։ Արշակյանը նշել է, որ ադրբեջանական նոր հարձակումը կարող է նաև Նախիջևանի կողմից։
• ՀՀ ԱԳՆ-ից տեղեկացնում են, որ ամերիկյան կողմի նախաձեռնությամբ, այսօր Նյու Յորքում տեղի կունենա Հայաստանի, Ադրբեջանի և ԱՄՆ արտաքին գործերի նախարարներ Արարատ Միրզոյանի, Ջեյհուն Բայրամովի և էնթոնի Բլինքենի եռակողմ հանդիպում։

Այս ժամի լուրերը՝ տեսանյութում։