Հասարակություն
19.09.2022 | 17:21
«Բարգավաճ Հայաստան» կուսակցության ղեկավար Գագիկ Ծառուկյանի դուստրերը՝ Էմմա և Ռոզա Ծառուկյանները և վերջինիս ամուսինը՝ Կոտայքի նախկին մարզպետ Կարապետ Գուլոյանը, հրավիրվել են ՀՀ գլխավոր դատախազության՝ ապօրինի ծագում ունեցող գույքի բռնագանձման վարչություն։
Այս մասին Factor.am-ը տեղեկանում է «Ազդարար» հայտարարությունների կայքից։ Ծառուկյանները հրավիրվել են դատախազություն՝ ապօրինի ծագում ունեցող գույքի բռնագանձման վարույթի շրջանակներում՝ ծանոթանալու գործի նյութերին, ներկայացնելու դիրքորոշում, ինչպես նաև հայտարարագիր:
Հետաքրքիր է, որ այս ծանուցումը կայքում տեղադրվել է սեպտեմբերի 14-ին, սակայն Ծառուկյանները Դատախազություն են հրավիրվել սեպտեմբերի 6-ին։
Ռոզա Վարդանյան
