05.08.2026 | 22:29
Երևանի և 10 մարզի մի շարք հասցեներում էլեկտրաէներգիայի անջատումներ կլինեն
Սահմանին իրադրության փոփոխություն չի արձանագրվել. ՊՆ
17.09.2022 | 10:02
Սեպտեմբերի 17-ի ժամը 09:00-ի դրությամբ հայ-ադրբեջանական սահմանին իրադրության փոփոխություն չի արձանագրվել: Այս մասին հայտնում են ՀՀ պաշտպանության նախարարությունից:
Հիշեցնենք, որ սեպտեմբերի 13-ին ժամը 00:05-ից Ադրբեջանի ԶՈՒ ստորաբաժանումները Գորիսի, Սոթքի և Ջերմուկի ուղղությամբ հրետանային միջոցներից, խոշոր տրամաչափի հրաձգային զինատեսակներից սկսել էին ինտենսիվ կրակ վարել հայկական դիրքերի ուղղությամբ: Հակառակորդը կիրառել էր նաև ԱԹՍ-ներ: Ավելի ուշ Ադրբեջանը հրետանային միջոցներ էր կիրառել նաև այլ ուղղություններով:
Միջազգային հանրության ներգրավվածության, հատկապես ԱՄՆ պետքարտուղար Էնթոնի Բլինքենի միջնորդության շնորհիվ հաջողվել է ձեռք բերել հրադադարի պայմանավորվածություն և սեպտեմբերի 14-ի ժամը 20։00-ից բոլոր ուղղություններով կրակը դադարել է, էական միջադեպեր չեն արձանագրվել։
Հայկական կողմի զոհերի թիվն այս պահի պաշտոնական տվյալներով 135 է, կան բազմաթիվ վիրավորներ:
