20.11.2024 | 20:32
Աղձք բնակավայրի հարակից հատվածում իրականացվելու են պայթեցման աշխատանքներ
Ջերմուկի ուղղությամբ կրակահերթի վերսկսման մասին լուրը 13։55-ի դրությամբ չի համապատասխանում իրականությանը. ՊՆ
15.09.2022 | 13:57
Ջերմուկի ուղղությամբ կրակահերթի վերսկսման մասին լուրը չի համապատասխանում իրականությանը․ այս մասին Factor.am-ին հայտնեց ՊՆ մամուլի խոսնակ Արամ Թորոսյանը: «13:55-ի դրությամբ Ջերմուկի ուղղությամբ որևէ հրետակոծություն կամ որևէ կրակոց չի վերսկսվել։ Այդ մասին տեղեկություններն ապատեղեկատվություն են»,- նշեց Թորոսյանը։
Հիշեցնենք՝ այսօր առավոտյան ՀՀ ՊՆ-ն հայտնել էր, որ գիշերը գիշերը հայ-ադրբեջանական սահմանին էական միջադեպեր չեն արձանագրվել։
Սեպտեմբերի 13-ին, ժամը 00։05-ի սահմաններում, Ադրբեջանի զինված ուժերի ստորաբաժանումները, հրետանային միջոցների, ականանետերի ու ԱԹՍ-ների կիրառմամբ ինտենսիվ կրակ են բացել հայ-ադրբեջանական սահմանի միանգամից մի քանի հատվածում տեղակայված հայկական դիրքերի ուղղությամբ։ Մասնավորապես՝ հրետակոծման են ենթարկվել Սոթքի, Վարդենիսի, Գորիսի, Կապանի, Արտանիշի և Իշխանասարի ուղղությամբ տեղակայված դիրքերը։ Հարվածներ են հասցվել նաև քաղաքացիական ենթակառուցվածքներին։ Հայկական կողմը հայտնել է 105 զոհերի մասին։
