30.04.2026 | 15:10
ՀՀ-ն հետընթաց է ապրել մամուլի ազատության ինդեքսում // Փաշինյանը՝ գերիների վերադարձի մասին․ ԼՈՒՐԵՐ
Վարդենիսի, Սոթքի ուղղությամբ լարվածությունը պահպանվում է
Քաղաքականություն
13.09.2022 | 13:22
Գեղարքունիքի մարզի Վարդենիս, Սոթք համայնքների ուղղությամբ լարվածությունը պահպանվում է, կրակոցները չեն դադարում․ այս մասին Factor.am-ին փոխանցեցին տեղի բնակիչները։
Ռուսաստանի ԱԳՆ-ն առավոտյան հայտարարություն էր տարածել՝ նշելով, որ ՌԴ միջնորդությամբ համաձայնություն է ձեռք բերվել հայ-ադրբեջանական սահմանին սեպտեմբերի 13-ի առավոտյան ժամը 10:00-ից (Մոսկվայի ժամանակով՝ 09։00-ից) հրադադար հաստատելու մասին։ Հայաստանի ԱԳՆ-ից պատասխան ստանալ դեռ չի հաջողվել։ ՀՀ ՊՆ-ն ևս չի հաստատում հրադադարի մասին պայմանավորվածության փաստը։
Հիշեցնենք՝ կեսգիշերից ՀՀ սահմանների ուղղությամբ ադրբեջանական լայնամասշտաբ ագրեսիայի հետևանքով այս պահի տվյալներով ունենք 49 զոհ։ Վարչապետ Փաշինյանն Աժ-ի ամբիոնից նշեց, որ, ցավոք, թիվը վերջնական չէ։
Արփի Հակոբյան
