30.04.2026 | 14:26
Իրանի նախագահը հայտարարել է, որ ԱՄՆ-ի ծովային շրջափակումը «դատապարտված է ձախողման»
Թեհրանը կրկին ընդգծում է ՀՀ-ի ու Ադրբեջանի սահմանների փոփոխության անթույլատրելիությունը․ Իրանի ԱԳՆ
Քաղաքականություն
13.09.2022 | 11:21
Իրանի արտգործնախարարության խոսնակ Նասեր Քանանին մտահոգություն է հայտնել Ադրբեջանի և Հայաստանի միջև վերջին լարվածության առնչությամբ և երկու կողմերին կոչ է արել հակամարտությունը լուծել խաղաղ ճանապարհով, փոխանցում է Mehr news-ը։
Զսպվածության և երկու երկրների միջև հակամարտությունը խաղաղ ճանապարհով և միջազգային իրավունքի հիման վրա լուծելու կոչ անելով՝ իրանցի բարձրաստիճան դիվանագետը ևս մեկ անգամ ընդգծել է, որ Իրանն անթույլատրելի է համարում Ադրբեջանի Հանրապետության և Հայաստանի Հանրապետության սահմաններում որևէ փոփոխությունը։
Նշելով, որ Իրանի Իսլամական Հանրապետությունը ուշադրությամբ հետևում է այս հարցի հետ կապված զարգացումներին, Քանանին ընդգծել է երկու երկրների տարածքային ամբողջականությունը հարգելու անհրաժեշտությունը։
Նա նաև հայտարարել է Իրանի պատրաստակամությունը՝ ցանկացած օգնություն ցուցաբերելու երկու հարևան երկրների միջև վեճերը լուծելու համար։
Տաթև Ֆռանգյան
