19.04.2024 | 10:01
Նավթի գներն աճել են
Եղիսաբեթ 2-րդի աճյունով դիակառքը հասել է Էդինբուրգ
Քաղաքականություն
12.09.2022 | 12:58
Եղիսաբեթ 2-րդ թագուհու աճյունով դիակառքը կիրակի հասել է Էդինբուրգ՝ Շոտլանդիայի թագավորական նստավայրից վեց ժամ տևած ճանապարհորդությունից հետո, գրում է VOA-ն։
Տասնյակ հազարավոր սգավորներ հավաքվել են քաղաքի փողոցներում։ Տասնմեկերորդ առավոտվա սկզբին դիակառքը դուրս է եկել Բալմորալ ամրոցի դարպասներից, որտեղ թագուհին մահացել է անցյալ հինգշաբթի՝ 96 տարեկանում, և սկսել է դանդաղ ճանապարհորդություն դեպի Շոտլանդիայի մայրաքաղաք։
Մարդիկ հավաքվել են Էդինբուրգի կենտրոնում՝ Հոլիրուդհաուս պալատ տանող ճանապարհին, որտեղ հավաքվածներին դիմավորել է պատվավոր զինվորական պահակախումբը։ Հուղարկավորության թափորի կազմում է թագուհու դուստրը՝ արքայադուստր Աննան։
Այնուհետև Շոտլանդիայի թագավորական գնդի զինվորները դագաղը տարել են պալատի գահասենյակ, որտեղ այն կմնա գիշերը։
Բալմորալից ճանապարհորդությունն առաջինն էր սգո միջոցառումների շարքից, որը տևելու է մինչև սեպտեմբերի 19-ը Լոնդոնի Վեսթմինսթերյան աբբայությունում կայանալիք պետական հուղարկավորությունը:
Ուրբաթ Մեծ Բրիտանիայի նոր թագավորը՝ Չարլզ III-ը, իր ուղերձում ասել է, որ հանգուցյալ թագուհին սկսել է «վերջին մեծ ճանապարհորդությունը»՝ միանալու արքայազն Ֆիլիպին՝ իր ամուսնուն, որը մահացել է անցյալ տարի, և որի հետ նա ամուսնացած է եղել 73 տարի:
Արքայազն Չարլզը պաշտոնապես նոր միապետ է հռչակվել շաբաթ օրը տեղի ունեցած արարողության ժամանակ։
Տաթև Ֆռանգյան
