18.03.2026 | 18:39
Ալիևներն այցով Արցախում են
Հասանովը հրամայել է զինվորականներին պատրաստ լինել «հակառակորդի սադրանքները կասեցնելուն»
Քաղաքականություն
10.09.2022 | 18:25
Ադրբեջանի պաշտպանության նախարար, գեներալ-գնդապետ Զաքիր Հասանովը շաբաթ օրը կենտրոնական հրամանատարական կետում տեղի ունեցած ծառայողական խորհրդակցության ժամանակ զինվորականներին հրամայել է «պատրաստ լինել հակառակորդի ցանկացած հնարավոր սադրանքի անհապաղ և վճռական կասեցման»: Այս մասին հայտնում են Ադրբեջանի պաշտպանության նախարարությունից։
Ինչպես տեղեկացնում է Interfax-ը՝ պաշտպանության նախարարի գլխավորությամբ ծառայողական խորհրդակցությունը կայացել է պաշտպանության նախարարի տեղակալների, զորքերի հրամանատարների, նախարարության գլխավոր վարչությունների, վարչությունների և ծառայությունների պետերի, զորամիավորումների և միավորումների հրամանատարների մասնակցությամբ:
«Մասնակիցները մանրակրկիտ վերլուծել են հայ-ադրբեջանական պետական սահմանին և ռուսական խաղաղապահ զորակազմի ժամանակավոր տեղակայման շրջանում օպերատիվ և ընթացիկ իրավիճակը»,- ասված է Ադրբեջանի պաշտպանության նախարարության հաղորդագրության մեջ։
