27.07.2026 | 23:18
Ոստիկանները ձերբակալել են ապօրինի զենք պահող տղամարդուն
Պուտինը ճիշտ է․ Էրդողանը՝ հացահատիկային գործարքի մասին
Քաղաքականություն
08.09.2022 | 22:23
Թուրքիայի նախագահ Ռեջեփ Թայիփ Էրդողանը Զագրեբում Խորվաթիայի նախագահ Զորան Միլանովիչի հետ մամուլի ասուլիսում անդրադարձել է հացահատիկային գործարքին, գրում է «Անադոլու»-ն։
«Պուտինը ճիշտ է այն հարցում, որ հացահատիկային միջանցքով մատակարարումները չեն իրականացվում աղքատ երկրներ։ Մատակարարումները գնում են զարգացած երկրներ։ Անկարան հուսով է ու հանդես է գալիս նրա օգտին, որ պարենի արտահանում սկսվի նաև Ռուսաստանից։ Այդ հարցը ես քննարկելու եմ Պուտինի հետ Սամարղանդում»,- ասել է Էրդողանը։
Նա հիշեցրել է, որ «հացահատիկային միջանցքի» ստեղծման գաղափարը հիմնված է ամենաաղքատ երկրներին պարենային ճգնաժամի ֆոնին աջակցելու թեմայի վրա։
«Հակառուսական պատժամիջոցների շարունակման ֆոնին՝ հացահատիկի մատակարարումը երկրներ, որոնք Մոսկվայի նկատմամբ սահմանափակումներ են մտցրել, անհանգստացնում են Պուտինին։ Մենք հանդես ենք գալիս նաև Ռուսաստանից պարենի մատակարարման օգտին։ Այդ հարցի լուծման համար այդ թեման համակողմնակի կքննարկենք Պուտինի հետ»,- ասել է Թուրքիայի նախագահը։
Նա նաև ուշադրություն է հրավիրել ուկրաինական պատերազմի ֆոնին էներգետիկ շուկաներում տիրող իրավիճակի վրա։
Էմմա Չոբանյան
