06.10.2026 | 17:37
«Կողք կողքի» միջազգային ներառական փառատոնի մասնակիցները Ազատության հրապարակում հանդես են եկել անվանի արտիստների հետ
Չեմ լսել, որ ԵՊՀ-ի շենքը կարող է դառնալ հյուրանոց. Վահան Դումանյան․ ՏԵՍԱՆՅՈՒԹ
08.09.2022 | 11:55
Ակադեմիական քաղաքի գաղափարն արդեն անցնում է գործնական փուլ: Այս մասին լրագրողների հետ ճեպազրույցում հայտնեց ԿԳՄՍ նախարար Վահրամ Դումանյանը:
«Այո՛, քննարկվում են տարբերակներ ոչ թե միավորվելու, այլ ստեղծելու նոր բուհեր՝ եղած բուհերի հենքով: Դրանք չեն լինելու մեխանիկական միավորումներ, լինելու է որոշակի հստակ բովանդակային մոտեցում, և ես շատ դրական եմ նայում գաղափարին, որովհետև գաղափարի ամենակարևոր հիմքն է՝ ունենալ մրցունակ, միջազգային չափանիշներին համապատասխան բուհեր, միջազգային չափանիշներին համապատասխան ենթակառուցվածքներ, միջավայր՝ բուհական, գիտական, ինչը լիովին հնարավոր է իրագործել Աշտարակի այն տարածքում, ինչի մասին հայտարարվել է»,- նշեց Վահրամ Դումանյանը:
Նախարարի խոսքով՝ բուհերի նկատմամբ կլինեն տարբերակված մոտեցումներ: Դումայնաը բացառեց, որ ԵՊՀ-ի շենքում կարող է հյուրանոց լինել: «ԵՊՀ-ի շենքը կմնա ԵՊՀ-ի շենք․․․ Չեմ լսել, որ ԵՊՀ-ի շենքը կարող է դառնալ հյուրանոց։ Նման քննարկում չի եղել և սրանից անլուրջ միտք հնարավոր չէ մեր կրթական դաշտում պատկերացնել»,- նշեց նախարարը:
Մանրամասները՝ տեսանյութում։
