14.05.2026 | 14:16
Իսրայելը պնդում է՝ Նեթանյահուն գաղտնի այցելել է ԱՄԷ Իրանի հետ պատերազմի ժամանակ․ ԱՄԷ-ն հերքում է
ՊՆ-ն՝ շուրջ 2 տասնյակ ադրբեջանցի և միայնակ հայ զինծառայողի մասնակցությամբ տեսանյութի մասին
Հասարակություն
07.09.2022 | 22:18
Այսօր համացանցի հայկական տիրույթում տարածվեց մի տեսանյութ, որում երևում է, թե ինչպես է հայ զինծառայողը մի ձեռքում պահել ինքնաձիգը, իսկ մյուսով՝ նռնակը և ադրբեջանցի զինվորներին զգուշացնում՝ չմոտենալ իրեն։
Սոցիալական ցանցի օգտատերերը նշում են, որ դեպքը տեղի է ունեցել հակառակորդի՝ Կուբաթլու (Սանասար) ներխուժման ժամանակ։ Ադրբեջանցիներն առաջարկում են հայ զինծառայողին հանձնվել և խոստանում են խնայել նրա կյանքը, սակայն, նա հրաժարվում է գերի հանձնվել։ Հրաձգություն է սկսվում, որի հետևանքով, ըստ ամենայնի, հայ զինծառայողը սպանվում է՝ դատելով ադրբեջանցիների զրույցից և հաջորդող կադրերից։
Տարածված տեսանյութի վերաբերյալ ՀՀ Պաշտպանության նախարարության մամուլի խոսնակ Արամ Թորոսյանը Factor.am-ին փոխանցեց, որ դեպքը, ըստ նախնական տեղեկությունների, տեղի է ունեցել 2020 թվականի 44-օրյա պատերազմի օրերին։
«Հստակ ամսաթվի ճշգրտման, տեղորոշման և անձի նույնականացման ուղղությամբ դեռ աշխատում ենք»,-ասաց ՊՆ խոսնակը։
Նշենք, որ ադրբեջանական յութուբյան ալիքներից մեկում այս տեսանյութը հրապարակվել է դեռ 2021 թվականի նոյեմբերի 23-ին։
Նարեկ Կիրակոսյան
