07.10.2026 | 23:48
Արթուր Դանիելյանը կալանավորվեց
Ֆիլիպ Ռիկերը կայցելի Հայաստան, Ադրբեջան և Վրաստան
Քաղաքականություն
07.09.2022 | 10:37
Կովկասի բանակցությունների գծով ԱՄՆ նոր ավագ խորհրդական և ԵԱՀԿ Մինսկի խմբի ԱՄՆ-ի նոր համանախագահ, դեսպան Ֆիլիպ Ռիկերն այս շաբաթ կայցելի Հարավային Կովկասի երկրներ։ Ճեպազրույցի ժամանակ այս մասին նշել է ԱՄՆ Պետդեպարտամենտի հանրային կապերի բյուրոյի մամուլի քարտուղարի գլխավոր տեղակալ Վեդանտ Պատելը։ Ըստ նրա՝ սա Ռիկերի առաջին ուղևորությունն է լինելու նոր կարգավիճակում։
«Ռիկերը կմեկնի այսօր երեկոյան և կլինի Հայաստանում, Վրաստանում և Ադրբեջանում։ Բոլոր երեք երկրներում նա կհանդիպի բարձրաստիճան պաշտոնյաների հետ՝ քննարկելու տարածաշրջանի հիմնական խնդիրները, ինչպես նաև ուղիներ փնտրելու գործընկերներին օգնելու լուծել առկա խնդիրները»,-հայտարարել է Պատելը՝ ի պատասխան լրագրողի այն հարցին, թե ինչու ԱՄՆ չի մասնակցել Բրյուսելում օրեր առաջ կայացած եռակողմ հանդիպմանը։
Տաթև Ֆռանգյան
