16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Փաշինյանը շնորհավորել է Արցախի անկախության օրը․ Դավիթ Բաբայանը ելույթ կունենա ԱՄՆ Կոնգրեսում․ Լուրեր
Քաղաքականություն
02.09.2022 | 13:23
- Սեպտեմբերի 2-ին նշվում է Արցախի անկախության օրը։ 31 տարի առաջ այս օրը Արցախում հռչակվեց անկախություն։ Այդ առիթով Հայաստանի և Արցախի պաշտոնյաները ուղերձներ են հղել միմյանց։ ՀՀ վարչապետ Նիկոլ Փաշինյանն իր ուղերձում նշել է, որ ՀՀ-ն շարունակելու է աջակցություն ցուցաբերել ԼՂ-ում բնականոն կենսագործունեության ապահովմանը։ Արցախի նախագահ Արայիկ Հարությունյանն էլ նշել է, որ Արցախը պետք է միշտ լինի կանգուն, լինի հայկական և շարունակի իր ընթացքը անկախության ճանապարհով։
- Արցախի Հանրապետության արտաքին գործերի նախարար Դավիթ Բաբայանը կմեկնի Ամերիկայի Միացյալ Նահանգներ: Բաբայանը նաև որպես հիմնական զեկուցող հանդես կգա ԱՄՆ Կոնգրեսում կայանալիք կոնֆերանսի ընթացքում, որը կազմակերպվել է Կոնգրեսի հայկական հարցերով հանձնախմբի հետ համագործակցությամբ:
- ՀՀ վարչապետ Նիկոլ Փաշինյանի որոշմամբ Սուրեն Մինասյանը նշանակվել է ՀՀ քաղաքաշինության, տեխնիկական և հրդեհային անվտանգության տեսչական մարմնի ղեկավարի տեղակալ:
Այս ժամի լուրերը՝ տեսանյութում։
