19.12.2025 | 18:58
Ադրբեջանի խորհրդարանը հաստատել է երկրի պատմության մեջ ամենամեծ համաներումը
Հայտնի է՝ ովքեր են «Սուրմալու»-ի գործով ձերբակալվածները
Հասարակություն
26.08.2022 | 13:39
Գլխավոր դատախազությունն այսօր հայտնել էր, որ «Սուրմալու» առևտրի կենտրոնում տեղի ունեցած պայթյունի դեպքի առթիվ նախաձեռնված քրեական վարույթով 4 անձ ձերբակալվել է։ Թե ովքեր են ձերբակալվածները՝ դատախազությունն անուններ չէր հրապարակել։ Factor.am-ին հայտնի է դարձել, որ ձերբակալվածները «Երևանի պահածոների գործարան» ՓԲԸ փոխտնօրենը, տարածքի վարձակալը և պահեստը շահագործող երկու անձինք են։ Հարցաքաննվել է 90-ից ավելի քաղաքացի, տնօրենն ու սեփականատերը դեռևս չեն հարցաքաննվել։
ՓԲԸ փոխտնօրենին և վարձակալին մեղադրանք է առաջադրվել ՀՀ ՔՕ 357-րդ հոդվածի 2-րդ մասով (հրդեհային անվտանգության կանոնները կամ պահանջները խախտելը, որն անզգուշությամբ առաջացրել է մարդու մահ կամ այլ ծանր հետևանք), իսկ պահեստը շահագործող անձանց՝ 165-րդ հոդվածի 2-րդ մասով (անզգուշությամբ երկու կամ ավելի անձանց կյանքից զրկելը)։
Հիշեցնենք՝ «Սուրմալու» առևտրի կենտրոնում օգոստոսի 14-ին տեղի ունեցած հզոր պայթյունի հետևանքով 16 զոհ կա, 1 քաղաքացի անհետ կորած է համարվում։ Անհետ կորած քաղաքացու որոնողական աշխատանքները դադարեցված են։
Արփի Հակոբյան
