«Սուրմալու»-ի դեպքով ձերբակալվածներ կան, Վաշինգտոնի պատասխանը Բաքվին․ Լուրեր

• «Սուրմալու» առևտրի կենտրոնում տեղի ունեցած պայթյունի դեպքի առթիվ նախաձեռնված քրեական վարույթով 4 անձ ձերբակալվել է: Թե ովքեր են ձերբակալվածները, չի հստակեցվում: Քրեական վարույթի նախաքննության մանրամասների վերաբերյալ կտրվի լրացուցիչ տեղեկատվություն, հայտնել է Դատախազությունը:
• ՀՀ ՊՆ N զորամասի պայմանագրային զինծառայող, սերժանտ Ա.Մ.-ն մեքենայի թափքում տեղադրված կենցաղային գազի բալոնի բռնկման հետևանքով  այրվածքներ է ստացել: Այս մասին տեղեկացրել է ՊՆ-ն։ Զինծառայողի վիճակը գնահատվում է ծանր։ 
• Ստեփանակերտում  հրդեհի ու պայթյունների դեպքով հարուցվել է քրեական գործ, ձերբակալվել է 4 անձ, տեղեկացրել է ԱՀ ոստիկանությունը։ Ստեփանակերտ քաղաքի Տիգրան Մեծ 20 հասցեում երեկ հրդեհ էր բռնկվել թթվածնային սարքավորումների արտադրամասում, ինչի հետևանքով պայթել էին բարձր ճնշմամբ տարաներ:
• Երեկ հայտնի դարձավ, որ ԱՄՆ պետքարտուղար Էնթոնի Բլինքենը դեսպան Ֆիլիպ Ռիքերին նշանակել է Կովկասի հարցերով բանակցություններում գլխավոր խորհրդական և ԵԱՀԿ Մինսկի խմբի համանախագահ, ինչին ի պատասխան՝ Ադրբեջանի ԱԳՆ-ն հայտարարել էր, թե «գրեթե չգործող ԵԱՀԿ Մինսկի  խումբը վերակենդանացնելու փորձերը կարող են Վաշինգտոնին հեռացնել ադրբեջանա-հայկական հարաբերությունների կարգավորման գործընթացից»։ ԱՄՆ Պետքարտուղարությունից պատասխանել են Բաքվի հայտարարությանը։ Գերատեսչության հանրային կապերի գրասենյակի փոխխոսնակ Վեդանթ Պանտելը  նշել է, որ ԱՄՆ-ը հանձնառու է դյուրացնել Ադրբեջանի և Հայաստանի միջև ուղիղ երկխոսությունը՝ երկկողմ, բազմակողմ և համախոհ գործընկերների հետ համագործակցությամբ։ 

Այս ժամի լուրերը՝ տեսանյութում։