06.11.2026 | 21:13
Թուրքիայում ֆոնդերի սկանդալի գործով ձերբակալվել է Էրդողանի թիմակից նախկին նախարարը
Փաշինյան-Ալիև հանդիպում՝ 5 օրից, «Սուրմալուի» գործունեությունը դադարեցնելու միջնորդագիր․ Լուրեր
25.08.2022 | 17:34
- Բրյուսելում օգոստոսի 31-ին նախատեսվում է Հայաստանի վարչապետ Նիկոլ Փաշինյանի, Ադրբեջանի նախագահ Իլհամ Ալիևի և Եվրոպական խորհրդի նախագահ Շառլ Միշելի եռակողմ հանդիպումը: Այս մասին Factor.am-ին հայտնել են ՀՀ վարչապետի աշխատակազմի տեղեկատվության և հասարակայնության հետ կապերի վարչությունից: Երկու երկների ղեկավարների նախորդ հանդիպումը՝ դարձյալ Շառլ Միշելի միջնորդությամբ, կայացել էր Բրյուսելում 2022-ի ապրիլի 22-ին։
- Սահմանների դելիմիտացիայի և սահմանային անվտանգության հարցերով Հայաստանի և Ադրբեջանի հանձնաժողովների հերթական նիստը տեղի կունենա Մոսկվայում օգոստոսի 30-ին։ Այս մասին հայտնում է ՏԱՍՍ-ը։ Հանձնաժողովների առաջին հանդիպումը տեղի է ունեցել մայիսի 24-ին՝ երկու երկրների սահմանին։
- Երևանի դատախազությունը «Սուրմալու» առևտրի կենտրոնի գործունեությունը դադարեցնելու հարցով միջնորդագիր է ներկայացրել ՀՀ քաղաքաշինության տեխնիկական և հրդեհային անվտանգության տեսչական մարմնի ղեկավարին՝ հանցանքի կատարմանը նպաստող հանգամանքները պարզելու և վերացնելու ուղղությամբ։ Տեսչական մարմինը 2021 թվականին «Սուրմալու» առևտրի կենտրոնում իրականացված ստուգումների արդյունքում մոտ 2 տասնյակ խախատումներ էր արձանագրել։ «Սուրմալու» առևտրի կենտրոնում տեղի ունեցած պայթյունի դեպքի առթիվ նախաձեռնված վարույթով քննությունը շարունակվում է:
Այս ժամի լուրերը՝ տեսանյութում։
