06.08.2026 | 15:39
Նոր քրեական գործ՝ Ծառուկյանի ու Առուստամյանի նկատմամբ․ ըստ ՔԿ-ի, 2,5 մլն դոլարի գույք է հափշտակվել
Փաշինյանի հրաժարականի պահանջով նոր շարժում, ՀՀ պետական պարտքը դրամով նվազել է, դոլարով՝ աճել․ Լուրեր
23.08.2022 | 19:21
- Օգոստոսի վերջին Մոսկվայում կկայանա Հայաստանի և Ադրբեջանի միջև սահմանազատման և սահմանային անվտանգության հարցերի հանձնաժողովների հերթական հանդիպումը։ Այս մասին տեղեկացնում են փոխվարչապետ Մհեր Գրիգորյանի գրասենյակից:
- ՀՀ պետական պարտքն այս տարվա հուլիսին կազմել է շուրջ 9,9 մլրդ դոլար։ Այս մասին Factor.am-ը տեղեկանում է Ֆինանսների նախարարության հրապարակած տվյալներից։ Տարեսկզբին այն դոլարային արտահայտմամբ 9,2 մլրդ դոլար է եղել, այսինքն՝ հուլիսին, տարեսկզբի համեմատ, աճել է շուրջ 749 մլն դոլարով կամ 8․1 %-ով։ Սրանից շուրջ 9,4 մլրդ դոլարը Կառավարության պարտքն է, 547 մլն դոլարը՝ Կենտրոնական բանկինը։
- Հայաստանի միգրացիոն ծառայությունը դիմել է ՌԴ-ում գտնվող ՀՀ քաղաքացիներին՝ նրանց հորդորելով մինչև 2023 թվականի հունվարի 10-ն անցնել մատնահետքի հաշվառում և լուսանկարում։
- 7 ամսում զինծառայողների կորստի 40 դեպք է արձանագրվել, որից 14-ի վերաբերյալ պաշտոնական հրապարակումներ չեն եղել։ Այս մասին այսօր հայտարարել են իրավապաշտպան կազմակերպությունները։ Օգոստոսին բանակում գրանցվել է զինծառայողների մահվան 7 դեպք։
