06.08.2026 | 16:51
Ո՞ր ավտոբուսների և տրոլեյբուսի երթուղիներն են ժամանակավորապես փոխվելու
«Փեթակ»-ի տնտեսվարողները պահանջում են հստակ օր ասել, թե երբ կարող են վերադառնալ աշխատանքի
22.08.2022 | 11:41
«Սուրմալու» առևտրի կենտրոնում տեղի ունեցած պայթյունից հետո շարունակում է փակ մնալ նաև «Փեթակ» առևտրի կենտրոնը։ Կենտրոնում գործունեություն ծավալող տնտեսվարողները չեն աշխատում արդեն 8 օր։ Նրանցից շատերը հավաքվել են կենտրոնի շենքի մոտ՝ դժգոհելով հարկադիր պարապուրդից։ Տնտեսվարողները պատկան մարմիններից պահանջում են հստակ նշել, թե երբ կբացվի առևտրի կենտրոնը և երբ իրենք կարողանան վերադառնալ աշխատանքի։
Նրանց խոսքով, առևտրի կենտրոնի չաշխատելը խնդիր է տնտեսվարողների համար, քանի որ ունեն հարկային պարտավորություններ, վարձակալության վճարներ։
ՀՀ ԱԻՆ մամուլի խոսնակ Հայկ Կոստանյանը տեղեկացնում է, որ Ոստիկանության, Քննչական կոմիտեի և ԱԻՆ պաշտոնյանները այս պահին քննարկում են տնտեսվարողների բնականոն աշխատանքի վերադառնալու ուղղությամբ ելք գտնելու համար։
