15.09.2026 | 14:53
Եվրոպական խորհրդարանն ընդունեց ՀՀ-ին արտահանման արտոնություններ տալու նախագիծը
Բարդ է անհետ կորածի մարմինը հայտնաբերելը. նա պատահարի էպիկենտրոնում է եղել. ՓԾ տնօրեն․ ՏԵՍԱՆՅՈՒԹ
Հասարակություն
19.08.2022 | 11:08
«Սուրմալու» առևտրի կենտրոնի տարածքում այսօր վաղ առավոտից վերսկսվել են որոնողափրկարարական աշխատանքները։ Պայթյունի էպիկենտրոնում փրկարարները շարունակում են փնտրել անհետ կորած համարվող քաղաքացուն։ Այս մասին այսօր լրագրողների հետզրւոյցում հայտնեց ՀՀ արտակարգ իրավիճակների նախարարության փրկարար ծառայության տնօրեն, գնդապետ Արմեն Գասպարյանը։
«Պայթյունը բավական հզոր է եղել։ Դրանից հետո առաջացած հրդեհը ևս բավականին բարձր ջերմաստիճանով ու մեծ բարդությամբ է եղել։ Այդ ամենը վկայում է, որ մեզ համար շատ բարդ է լինելու հայտնաբերել մարմինը»,- նշեց Գասպարյանը։
ՓԾ տնօրենը նաև հայտնեց, որ որոնվող քաղաքացին առևտրի կենտրոնի աշխատակից է և, ըստ փրկարարների ունեցած տեղեկությունների, պայթյունի պահին գտնվել է անմիջապես էպիկենտրոնում։
Մանրամասները՝ տեսանյութում։
