25.06.2026 | 13:56
Հրապարակվել է բասկետբոլի Հայաստանի Մ16 հավաքականի հայտացուցակը՝ Երևանում կայանալիք Եվրոպայի C դիվիզիոնի մրցաշարում
Գիշերային ժամերին որոնողափրկարակական աշխատանքները դադարեցվելու են․ ԱԻՆ խոսնակ
17.08.2022 | 21:50
Որոշում է կայացվել գիշերային ժամերին որոնողափրկարակական աշխատանքները դադարեցնել։ Այս մասին քիչ առաջ լրագրողների հետ զրույցում ասաց ԱԻՆ մամուլի խոսնակ Հայկ Կոստանյանը։
«Դադարեցումը պայմանավորված է այն տեղանքով, որտեղ, ենթադրաբար, եղել է պայթյունը։ Այդ հատվածում մենք ունենք ավելի վտանգավոր պատկեր, քանի որ փլուզման վտանգն այդ հատվածում ավելի մեծ է, և շտաբի կողմից որոշում է կայացվել, որ գիշերային ժամերին աշխատանքները դադարեցվեն»,- ասաց Կոստանյանը։
Նա նշեց, որ վաղ առավոտից աշխատանքները կվերսկսվեն:
Հիշեցնենք, որ փրկարարները փլատակներից դուրս են բերել ընդհանուր թվով 26 քաղաքացու, 16-ը՝ մահացած: Զոհերից մեկի անձը դեռ չի նույնականացվել:
Հիշեցնենք նաև, որ օգոստոսի 14-ին` ժամը 13։23-ին, Երևանի Արշակունյաց 15 հասցեում գտնվող «Սուրմալու» առևտրի կենտրոնում տեղի էր ունեցել պայթյուն՝ հրդեհի բռնկմամբ, ինչի հետևանքով եռհարկանի շինությունը մասնակի փլուզվել էր:
