15.09.2026 | 14:26
Փետրվարի 8-ից «խվատայկաները» կհամարվեն շահումով խաղ․ ՊԵԿ
Սա ահաբեկչական գործողության հետ կապ չունի. ներսում 4 տոննա հրավառական նյութեր են եղել. Ավինյան․ ՏԵՍԱՆՅՈՒԹ
Հասարակություն
17.08.2022 | 12:03
«Որոնողական աշխատանքները մոտենում են ավարտին»,- լրագրողների հետ զրույցում այսօր նշեց «Սուրմալու» առևտրի կենտրոնի տարածք ժամանած Տիգրան Ավինյանը։
«Տեղի ունեցած ողբերգությունը շատ սթափեցնող և ցավալի էր, և ես վստահ եմ, որ սա առիթ է տալիս մտածելու նմանատիպ նյութերի պահպանման, տարբեր առիթների ժամանակ հրավառութունների օգտագործման վերաբերյալ», – նշեց Ավինյանը։
Տիգրան Ավինյանի խոսքով՝ պետք է անել ամեն ինչ, մասնավոր տոնակատարությունների ժամանակ բացառելու հրավառությունները և դրանք իրականացնելու բացառապես պետական տոների ժամանակ. «Ժամանակը եկել է, որ ավելի կոշտ քայլերի դիմենք, ռադիկալ ձևով միայն համայնքային միջոցառումներին տեսնենք հրավառություն»։
«Սա ահաբեկչական գործողության հետ կապ չունի: Հարուցվել է քրեական գործ, կպարզվի, թե ինչ է տեղի ունեցել: Մոտավորապես 4 տոննա հրավառական նյութերի պահպանումը որևէ տեղ, և մեկ փոքր կայծը նմանատիպ հետևանքների կարող են բերել», – ընդգծեց Ավինյանը։
Հիշեցնենք, որ օգոստոսի 14-ին` ժամը 13։23-ին, Ճգնաժամային կառավարման ազգային կենտրոն ահազանգ է ստացվել, որ Երևանի Արշակունյաց 15 հասցեում գտնվող «Սուրմալու» առևտրի կենտրոնում տեղի է ունեցել պայթյուն՝ հրդեհի բռնկմամբ, ինչի հետևանքով եռհարկանի շինությունը մասնակի փլուզվել է։ Կա 16 զոհ, 2 անհետ կորած: Երևանի ԲԿ-ներ դիմած 62 քաղաքացիներից 7-ը շարունակում է բուժում ստանալ:
Հայաստանում և Արցախում, ի հիշատակ «Սուրմալու» առևտրի կենտրոնում պայթյունի հետևանքով զոհված քաղաքացիների, այսօր՝ օգոստոսի 17-ին, և վաղը հայտարարվել է սգո օր։
Մանրամասները՝ տեսանյութում:
