07.10.2026 | 13:32
Դելին ու Երևանը քննարկում են Հայաստանում Pinaka Mk-II-ի արտադրության և հավաքման հնարավորությունը․ հնդկական ԶԼՄ
Նոր տվյալներ՝ «Սուրմալու»-ում տուժածների, անհետ կորածների մասին․ Հայաստանում սգո օր կհայտարարվի․ Լուրեր
16.08.2022 | 13:50
- «Սուրմալու» առևտրի կենտրոնի փլատակներից, կեսօրի դրությամբ, որոնողա-փրկարարական աշխատանքների արդյունքում հայտնաբերվել է 17 քաղաքացու դի։ Զոհված քաղաքացիներից 14-ի ինքնությունը պարզվել է։ ԱԻՆ-ը հրապարակել է մահացածների անունները։ Նրանց թվում են նաև հղի կինը և երեխան։ Անհետ կորածներ դեռ կան, նրանց թիվը 8-ն է։ Պարզվել է, որ իրանցիներից 5-ը, որոնց անունները նշվում էին անհետ կորածների ցանկում, հիմա Վրաստանում են, դեպքի վայրում չեն եղել։
- Միաժամանակ, նշվում է, որ «Սուրմալու»-ի պայթյունի հետևանքով Երևան քաղաքի ԲԿ-ներ է դիմել 60 քաղաքացի, որոնցից 12-ը շարունակում է բուժում ստանալ, իսկ մնացած 48-ը, ստանալով համապատասխան բուժօգնություն, դուրս է գրվել։
- «Սուրմալու» առևտրի կենտրոնում տեղի ունեցած ողբերգական պայթյունի կապակցությամբ Հայաստանի կառավարությունը սգո օր կհայտարարի: Այս մասին Factor.am-ին հայտնեցին վարչապետի աշխատակազմի տեղեկատվության և հասարակայնության հետ կապերի վարչությունից: Սգո օրվա ամսաթիվը, սակայն, կհստակեցվի փրկարարական աշխատանքների ավարտից հետո։
- Երևանի մետրոպոլիտենի կայարաններում պայթուցիկ սարքերի մասին կրկին ահազանգ է ստացվել․ ուղևորափոխադրումները ժամանակավորապես դադարեցվել են։ ԱԻՆ-ից հայտնել են, որ ահազանգի հետքերով սակրավորները և կինոլոգները աշխատանքներ են տանում մետրոյում։
Այս ժամի լուրերը՝ տեսանյութում։
