25.06.2026 | 12:19
ԵՏՄ-ն ինքնալուծարման մասին է հայտարարում, եթե ԵՏՄ մի անդամ կարա մյուսի նկատմամբ սենց որոշում կայացնի․ ՏԵՍԱՆՅՈՒԹ
«Սուրմալու»-ի պայթյունից տուժածները տեղափոխվել են տարբեր հիվանդանոցներ․ հրդեհը մարել չի հաջողվում
14.08.2022 | 14:58
Ինչպես արդեն տեղեկացրել ենք, «Սուրմալու» առևտրի կենտրոնում այսօր ժամը 13։20-ի սահմաններում տեղի է ունեցել պայթյուն։
ԱԻՆ մամուլի քարտուղար Հայկ Կոստանյանը Factor.am-ի հետ զրույցում տեղեկացրեց, որ պայթյունի հետևանքով կան վիրավորներ, հրդեհը դեռևս չի հաջողվել մարել։ Վիրավորների թվի մասին հստակ տեղեկություն չկա։ Առողջապահության նախարարության մամուլի խոսնակ Հռիփսիմե Խաչատրյանն էլ մեզ հետ զրույցում ասաց, որ տուժածները տեղափոխվել են տարբեր հիվանդանոցներ, ավելի ուշ նախարարությունը մանրամասներ կհաղորդի։
Նշենք, որ, ըստ ԱԻՆ պաշտոնական հաղորդագրության նախնական տվյալների՝ տեղի է ունեցել պայթյուն՝ հրդեհի բռնկմամբ։ Հայտարարվել է հրդեհի բարդության «Թիվ 3» կանչ։
Դեպքի վայր օգնության են մեկնել ԱԻՆ ՓԾ Երևան քաղաքի և մարզային փրկարարական վարչությունների հրշեջ-փրկարարական ջոկատներից ևս տասը մարտական հաշվարկ։
Այս պահին հայտնի է մեկ զոհի և քսան տուժածի մասին։
