07.06.2026 | 23:59
Իրակլի Կոբախիձեն շնորհավորել է Նիկոլ Փաշինյանին ընտրություններում հաջողության կապակցությամբ
Ճապոնիային է մոտենում «Մեարի» թայֆունը․ ՏԵՍԱՆՅՈւԹ
Քաղաքականություն
13.08.2022 | 17:05
«Մեարի» թայֆունը, որը Ճապոնիայում ստացել է 8 սերիական համարը, մոտեցել է Տոկիոյին, այն իր հետ բերում է սաստիկ քամիներ և հորդառատ անձրև, գրում է ՌԻԱ Նովոստին։
«Մեարի» թայֆունը, որը նախկինում մոլեգնում էր Խաղաղ օվկիանոսում, մի քանի ժամ առաջ հարվածեց Հոնսյու կղզու ափին՝ Շիզուկա պրեֆեկտուրայի տարածքում և շարժվում է դեպի հյուսիս-արևելք՝ դեպի Տոկիո։
Որոշ սրճարաններ և ռեստորաններ նախընտրեցին ռիսկի չդիմել և կրճատեցին իրենց աշխատանքային ժամերը: Թայֆունի պատճառով վերջին օրը չեղարկվել է Ճապոնիայի ամենամեծ ռոք փառատոնը՝ Rock in Japan Fes-ը։ Բացի այդ, լաստանավային ծառայությունները Կանագավա պրեֆեկտուրայում, Չիբա, Իբարակիում նույնպես չեղյալ են հայտարարվել: Չիբա պրեֆեկտուրայում, որտեղ պետք է տեղի ունենար ռոք փառատոն, օդերևութաբանները տորնադո են գրանցել։
Ավիաընկերությունները չեղարկել են ավելի քան 200 չվերթ։
«Մեարի»-ն, որը կորեերեն նշանակում է «արձագանք», հայտնվել է Ճապոնիայից հարավ ուրբաթ օրը: Թայֆունի կենտրոնում ճնշումը կազմում է 998 հեկտոպասկալ, քամու արագությունը կենտրոնում 20 մետր վայրկյանում, պոռթկումները՝ մինչև 30 մետր։
Սպասվում է, որ թայֆունը կանցնի հյուսիսարևելյան ափի վրայով մինչև կիրակի առավոտյան և կտեղափոխվի հյուսիս-արևելք՝ դեպի Խաղաղ օվկիանոս:
