26.08.2026 | 12:10
Ռոբերտ Քոչարյանի որդին կալանավորվեց // Նոր հայցադիմում Գագիկ Ծառուկյանի գույքերի հետ կապված․ ԼՈՒՐԵՐ
Պավլիկ Մանուկյանի վիճակը վատացել է, նրան հիվանդանոց են տեղափոխել
Քաղաքականություն
12.08.2022 | 14:00
Ազատամարտիկ Պավլիկ Մանուկյանի ինքնազգացողությունը երեկ երեկոյան վատացել է և նրան «Նուբարաշեն» ՔԿՀ-ից տեղափոխվել է «Իզմիրլյան» ԲԿ։ Այս մասին Factor.am-ին ասաց Պավլիկ Մանուկյանի կինը՝ Մարինե Մանուկյանը։
Կինն առայժմ չի տեսակցել ամուսնուն, քանի որ խնամակալ ճանաչված չէ։
«Ինքը շատ թույլ էր, ոտքի վրա չէր կարողանում կանգնել, հենց կանգնում էր, թուլանում էր։ Բաց վիրահատություն է տարել միզապարկի և իրեն հետվիրահատական խնամք էր պետք, բայց տեղափոխեցին «Նուբարաշեն» ՔԿՀ, որտեղ նույնիսկ նվազագույն սանիտարական պայմաններ չկան, էլ ուր մնաց՝ խնամք։ Այդ պատճառով Պավլիկը թե՛ հացից էր հրաժարվել, թե՛ դեղերից»,- ասաց Մարինե Մանուկյանը։
Նշենք, որ Պավլիկ Մանուկյանն օգոստոսի 1-ից հացադուլ էր հայտարարել և պահանջում էր իրեն տեղափոխել «Դատապարտյալների հիվանդանոց», կինն էլ պարբերաբար բարձրաձայնում էր, որ ամուսինն առողջական խնդիրներ ունի, դիմել է նաև ՄԻՊ-ին, սակայն, ասում է, անարձագանք։
«Ինքը պետք է սրտաբանի և ուրոլոգի վերահսկողության տակ լիներ, դա նաև իր էպիկրիզում էր գրված, բայց ոչ ոք բանի տեղ չդրեց»,- ընդգծեց կինը։
Հիշեցնենք, որ նախորդ տարի Պավլիկ Մանուկյանը ՊՊԾ գնդի գրավման գործով դատապարտվել է տասը տարվա ազատազրկման։
