19.08.2026 | 12:10
Ավտոդպրոցում սովորելը պարտադիր կդառնա // «Ռոսսելխոզնադզոր»-ը ՀՀ-ից զեկույց է ակնկալում․ ԼՈՒՐԵՐ
Հայաստանի և Թուրքիայի բանագնացների հանդիպման վերաբերյալ պայմանավորվածություն չկա․ ԱԳՆ խոսնակ
Քաղաքականություն
11.08.2022 | 16:12
Հայաստանի և Թուրքիայի հատուկ բանագնացների հանդիպման վերաբերյալ այս պահի դրությամբ որևէ պայմանավորվածություն չկա։ Factor.am-ին այս մասին տեղեկացրեց ՀՀ ԱԳՆ խոսնակ Վահան Հունանյանը։
«Հայաստան֊Թուրքիա հարաբերությունների կարգավորման գործընթացի հատուկ ներկայացուցիչների հանդիպումների մասին մենք հանրությանը պատշաճ ժամեկտներում, նախօրոք տեղեկացնում ենք»,- հավելեց Վահան Հունանյանը։
Հիշեցնենք, որ այսօր ավելի վաղ թուրքական լրատվամիջոցները, վկայակոչելով Թուրքիայի ԱԳՆ պաշտոնյայի, տեղեկություն էին տարածել, որ Հայաստանի և Թուրքիայի հարաբերությունների կարգավորման հատուկ ներկայացուցիչները կարող են հանդիպել սեպտեմբերին։
