14.12.2024 | 14:42
Թողարկվելու է մաեստրո Տիգրան Մանսուրյանի կինոերաժշտության ալբոմը
Լաստանավային ճանապարհը կգործարկվի օգոստոսին, իսկ Լարսում հերթերի հարցը դեռ չի լուծվել. Քերոբյան․ ՏԵՍԱՆՅՈւԹ
Տնտեսություն
11.08.2022 | 12:40
«Արագ փչացող ապրանքների մասով խնդիր չկա, քանի որ դրանք անցնում են առանց հերթի»,- այս մասին Կառավարության նիստից հետո հրավիրված ճեպազրույցում նշեց ՀՀ էկոնոմիկայի նախարար Վահան Քերոբյանը՝ անդրադառնալով Վերին Լարսում տիրող իրավիճակին:
«Մյուս ապրանքների մասով խնդիր ունենք: Մենք շարունակում ենք աշխատանքը ռուս գործընկերների հետ, որպեսզի տարբեր ուղղություններով մեծացնենք Վերին Լարսի թողունակությունը»,- նշեց նախարարը:
Վահան Քերոբյանն անդրադառնալով լաստանավային հաղորդակցության վերաբերյալ հարցին, հիշեցրեց, որ ավելի վաղ հայտնել էր, թե հունիսի 15-ից կանոնավոր լաստանավային հաղորդակցությունը պետք է սկսեր աշխատել, մնացել էր ստանալ Փոթիի նավահանգստի օպերատոր հոլանդական ընկերության թույլտվությունները:
«Սպասենք մի քանի օր, և վստահ եմ, որ արդյունքը կլինի: Դա հեշտ հարց չէ, հատկապես որ զուգորդվում է այսպիսի ծանր աշխարհաքաղաքական փոփոխություններով»,- ասաց նախարարը:
Մանրամասները՝ տեսանյութում։
