07.10.2026 | 23:48
Արթուր Դանիելյանը կալանավորվեց
Կառավարությունը փոխհատուցում կտա այն քաղաքացիներին, որոնց փոխադրամիջոցները ներգրավվել են 44-օրյա պատերազմում
Քաղաքականություն
10.08.2022 | 22:05
ՀՀ կառավարությունը պահուստային ֆոնդից Պաշտպանության նախարարությանը 31 մլն 103 հազար դրամ կհատկացնի 2020 թվականի 44-օրյա պատերազմի ընթացքում մասնավորին պատկանող տրանսպորտային միջոցների վնասի փոխհատուցման համար։
Նշենք, որ պատերազմի ընթացքում պետությունը նրանց փոխադրամիջոցները ներգրավել է ռազմական գործողություններին։ Կառավարության վաղվա նիստում կայացվելիք որոշմամբ՝ փոխհատուցում կստանա 17 ֆիզիկական և իրավաբանական անձ։ Նրանց ընդհանուր գումարը 31 մլն 103 հազար դրամ է։
Հիշեցնենք՝ կառավարություը 2021 թվականի մայիսին էր մասնավորին փոխհատուցում տալու համար միչգերատեսչական հանձնաժողով ստեղծել։
Նշենք, որ այս փոխհատուցումը չի ներառում վնասներ կրած բոլոր քաղաքացիներին։ ՊՆ-ի կազմած ցուցակի մեջ, օրինակ, բացակայում են այն քաղաքացիների անունները, որոնք մեկ տարուց ավելի է՝ ահազանգում են մեր խմբագրություն, որ դեռ փոխհատուցում չեն ստացել։
Թե քանի հոգու մասին է խոսքը, անհայտ է։ Պաշտպանության նախարարությունն ավելի վաղ հրաժարվել էր այդ թիվը մեր գրավոր հարցմանն ի պատասխան տրամադրել։
