31.05.2026 | 20:00
չԾխելու ՇԵՐՏԵՐԸ. ինչպես է շրջանցվում արդեն 6 տարի գործող օրենքը․ ՏԵՍԱՆՅՈւԹ
Հայաստանի շախմատի հավաքականը հաղթեց ադրբեջանցիներին․ Շախմատի օլիմպիադա
08.08.2022 | 18:21
Հնդկաստանի Չենայ քաղաքում ավարտին մոտեցող շախմատի Համաշխարհային օլիմպիադայի նախավերջին տուրում Հայաստանի հավաքականը մրցեց Ադրբեջանի թիմի հետ եւ հաղթեց մեծ առավելությամբ՝ 3:1: Այս մասին տեղեկացնում է News.am Sport-ը:
Ռոբերտ Հովհաննիսյանը սպիտակ ֆիգուրներով 51-րդ քայլին պարտության մատնեց Նիջաթ Աբասովին։
Գաբրիել Սարգսյանը սեւ ֆիգուրներով 67 քայլում հաղթեց Շահրիյար Մամեդյարովին։ Հրանտ Մելքումյան – Գադիր Գուսեյնով, Մանուել Պետրոսյանը – Վասիֆ Դուրարբայլի պարտիաներն ավարտվեցին ոչ ոքի։
Հայաստանի հավաքականը 17 միավորով ընթացիկ առաջին տեղում է։
Հայաստանի հավաքականը նախորդ տուրերում հաղթել է Մադագասկարին (4:0), Անդորրային (3:1), Եգիպտոսին (2,5:1,5), Ավստրիային (3:1), Անգլիային (2,5:1,5), Հնդկաստանի երկրորդ թիմին (2,5:1,5) եւ գլխավոր հավաքականին (2,5:1,5), ոչ ոքի խաղացել ԱՄՆ-ի հետ, պարտվել Ուզբեկստանին (1:3):
Օլիմպիադայի ավարտին մնացել է մեկ տուր։
