16.11.2024 | 22:58
«Մանկական Եվրատեսիլ – 2024»-ում հաղթեց Վրաստանը
Ուկրաինայի պաշտպանության նախկին նախարարը կասկածվում է պետական դավաճանության մեջ
Քաղաքականություն
08.08.2022 | 21:28
Ուկրաինայի պաշտպանության նախկին նախարար Միխայիլ Եժելը դարձել է պետական դավաճանության գործով կասկածյալ, գրում է BBC-ի ռուսական ծառայությունը։
Գործը կապված է 2010 թվականի Խարկովի պայմանագրերի հետ, որոնց համաձայն՝ ՌԴ ԶՈւ Սևծովյան նավատորմի գտնվելու ժամկետը Ղրիմում երկարացվել է մինչև 2042 թվականը՝ հետագա երկարաձգման հնարավորությամբ։ Եժելին կասկածում են Ուկրաինայի ազգային շահերին վնաս հասցնելու մեջ։
Այս գործով որպես կասկածյալ են անցնում նաև երկու նախարարներ, որոնք կապված են Խարկովի համաձայնագրի հետ։ Այն ստորագրվել է Ուկրաինայի նախկին նախագահ Վիկտոր Յանուկովիչի հետ։
Եժելն ապրում է Բելառուսում և ունի փախստականի կարգավիճակ։ Նա բազմաթիվ այլ քրեական գործերով անցնում է որպես մեղադրյալ, Ուկրաինայում նրա նկատմամբ հետախուզում է հայտարարված։
Տաթև Ֆռանգյան
