16.01.2025 | 12:00
Իսրայելն ու ՀԱՄԱՍ-ը պայմանավորվեցին հրադադարի մասին, Լիբանանում հայ է սպանվել․ ԼՈՒՐԵՐ
Ուկրաինայում ՀՀ դեսպանը խոսել է Ադրբեջանում պահվող հայ ռազմագերիների մասին
Քաղաքականություն
08.08.2022 | 16:50
Կիևում ՀՀ դեսպան Վլադիմիր Կարապետյանը Ուկրաինայի Հանրային հեռուստաընկերությանը տված հարցազրույցում անդրադարձել է Ադրբեջանում պահվող հայ ռազմագերիների խնդրին։
Նա նշել է, որ Ադրբեջանը հաստատում է, որ գերության մեջ է պահում 38 հայ զինծառայողի, սակայն հայկական կողմի տեղեկություններում նրանց թվում ևս 26 զինվորական կա։
«Ամենաբարձր մակարդակով պայմանավորվածություն է եղել, որ գերիների փոխանակում է լինելու՝ բոլորը բոլորի դիմաց սկզբունքով։ Հայկական կողմը հանձնել է բոլոր գերիներին, նույնիսկ հանցագործներին, որոնք դատապարտվել են բոլորովին այլ հոդվածներով, այդ թվում՝ մարդկանց սպանության համար»,- նշել է ՀՀ դեսպանը։
Նրա խոսքով՝ Հայաստանն իր դիրքորոշումը հաստատող ապացույցներ ունի։ Կարապետյանը հավելել է, որ ադրբեջանական կողմը հայ գերիների մի մասին էլ ազատել է ականապատ քարտեզների դիմաց։
«Որպես բարի կամքի դրսևորում՝ Հայաստանի իշխանությունները փոխանցել են քարտեզները, որոնք կային մեր տրամադրության տակ դեռ 90-ականներից՝ Արցախյան առաջին պատերազմից սկսած»,- ասել է դեսպանը։
Էմմա Չոբանյան
