07.10.2026 | 15:10
ՀՀ-ում հրթիռների արտադրության հարցի քննարկում Դելիի հետ՝ ըստ ԶԼՄ-ի // Երևանում փակ փողոցներ կլինեն․ ԼՈՒՐԵՐ
10 մարդու կյանք խլած հրդեհ ԱՄՆ-ում․ օգնության եկած փրկարարն անշնչացած է գտել իր ընտանիքի անդամներին
07.08.2022 | 16:17
ԱՄՆ Փենսիլվանիա նահանգում՝ Ֆիլադելֆիայից 150 կմ հեռավորության վրա գտնվող Նեսկոպեկ քաղաքում տեղի ունեցած հրդեհի զոհ են դարձել յոթ մեծահասակներ և հինգ, վեց և յոթ տարեկան երեք երեխաներ, փոխանցում է BBC-ի ռուսական ծառայությունը։
Հրշեջ-կամավոր Հարոլդ Բեյքերը, դժվարությամբ զսպելով զգացմունքները, Associated Press գործակալությանը հայտնել է, որ զոհվածների թվում եղել է իր որդին, դուստրը, աները, կնոջ քույրը և նրա ամուսինը, երեք թոռները և մյուս երկու հարազատները:
«Ինձ համար ամենամեծ վիշտն այն է, որ ես չկարողացա մտնել և փրկել նրանց»,- հավելել է հրշեջը:
Բեյքերը տեղական Citizens ‘ Voice թերթին պատմել է, որ արագ իմացել է այն տունը, որը իր թիմը եկել է մարելու։
«Ես առաջին հրշեջ մեքենայում էի։ Երբ մենք շրջեցինք Դևիի փողոցի անկյունում, ես անմիջապես հասկացա, թե որ տունն է այրվում՝ պարզապես նայելով փողոցին: Երբ մենք մոտեցանք, ամբողջ տունը կրակի մեջ էր։ Մենք փորձեցինք հասնել նրանց»,- ասել է Բեյքերը։
Երեք մեծահասակները կարողացել են փրկվել, ասվում է ոստիկանության հայտարարության մեջ:
Բեյքերի խոսքով՝ իր զոհված 19-ամյա որդին՝ Դեյլը, նույնպես հրշեջ է աշխատել։
Մահացած երեխաները չեն ապրել այրված տանը, նրանք ամառային արձակուրդներին հյուրընկալվել են հորաքրոջ և հորեղբոր տանը, հավելել է փրկարարը:
