06.11.2026 | 20:20
ԱՄՆ-ի ճնշմամբ Թուրքիան դադարեցրել է Թուրքմենստանից Իրանի տարածքով գազի ներկրումը
Երևանի Հայրիկ Մուրադյան փողոցի շենքերից մեկում բռնկված հրդեհը մեկուսացվել է․ տարհանվել է 65 քաղաքացի
07.08.2022 | 13:59
Ինչպես ավելի վաղ ԱԻՆ-ից տեղեկացրել էին, օգոստոսի 7-ին՝ ժամը 11։47-ին, Ճգնաժամային կառավարման ազգային կենտրոն ահազանգ է ստացվել, որ Երևանի Հայրիկ Մուրադյան փողոցի 42/2 շենքի վերելակի հորանում հրդեհ է բռնկվել։ Նախնական տվյալներով՝ կան տուժածներ։
Դեպքի վայր են մեկնել ԱԻՆ ՓԾ Ճգնաժամային կառավարման ազգային կենտրոնի օպերատիվ խումբը, Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ, ավտոսանդուղք, հրդեհաշիջման և փրկարարական աշխատանքների կազմակերպման բաժնի հերթապահ և փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խմբերը:
Հայտարարվել է հրդեհի բարդության «1-ԲԻՍ» կանչ․ դեպքի վայր են մեկնել ևս երկու մարտական հաշվարկ, մեկ ավտոսանդուղք և գազածխապաշտպան ծառայության մեքենան։
Իրականացվում են բնակիչների տարհանման աշխատանքներ։
Ժամը 13։36-ի դրությամբ տարհանվել է 65 քաղաքացի։
Ժամը 13։41-ին հրդեհը մեկուսացվել է։
