Թուրքիայի նախագահ Ռեջեփ Թայիփ Էրդողանը հայտարարել է, որ Ռուսաստանի նախագահ Վլադիմիր Պուտինին առաջարկել է հանդիպում անցկացնել Վլադիմիր Զելենսկու հետ, փոխանցում է «ՌԻԱ Նովոստի»-ն։
«Չնայած առկա դժվարություններին՝ ես նույնպես համոզված եմ, որ ուկրաինական ճգնաժամը կկարգավորվի բանակցությունների սեղանի շուրջ։ Ես ևս մեկ անգամ հիշեցրի պարոն Պուտինին, որ մենք կարող ենք անցկացնել նրա հանդիպումը պարոն Զելենսկու հետ», – ասել է Էրդողանը լրագրողներին Սոչիից վերադառնալուց հետո։
Հիշեցնենք՝ նախօրեին Սոչիում կայացել է Ռուսաստանի և Թուրքիայի նախագահների հանդիպումը ։
