09.10.2026 | 13:26
Արթիկի նախկին մանկապարտեզի 2003-ի աճուրդը անվավեր է ճանաչվել․ համայնքին կվճարվի 12.4 մլն դրամ
Կոչ ենք անում անհապաղ քայլեր ձեռնարկել ԼՂ-ում լարվածությունը նվազեցնելու ուղղությամբ. ԵԱՀԿ-ում ԱՄՆ դեսպան
Քաղաքականություն
05.08.2022 | 20:56
ԵԱՀԿ-ում ԱՄՆ դեսպան Մայքլ Քարփենթերն իր մտահոգությունն է հայտնել ԼՂ-ի շուրջ վիճակի սրման կապակցությամբ: Թվիթերյան գրառման միջոցով դեսպան Քարփենթերը կոչ է արել կողմերին քայլեր ձեռնարկել՝ հետագա լարվածությունից խուսափելու համար:
«Ամերիկայի ձայն»-ի հաղորդմամբ` գրառման մեջ, մասնավորապես, ասված է.
«Խորապես մտահոգված եմ Լեռնային Ղարաբաղում և նրա շուրջ ապրողների անվտանգության համար՝ կապված այդ տարածքում վերսկսված մարտերի մասին լուրերի հետ: Մենք չենք ցանկանում վերադառնալ լայնածավալ ռազմական գործողությունների, ինչը տեսանք 2020 թվականին: Եվ կոչ ենք անում անհապաղ քայլեր ձեռնարկել՝ լարվածությունը նվազեցնելու և հետագա էսկալացիայից խուսափելու համար»,- գրել է դեսպան Քարփենթերը:
