19.08.2026 | 15:10
Պապիկյանն անակնկալ զորամասեր է այցելում // 18-ամյա աղջկա առևանգման գործով ձերբակալված կա․ ԼՈՒՐԵՐ
Ապշած եմ Լեռնային Ղարաբաղում Ադրբեջանի սկսած ռազմական գործողությունից․ ԵԽ Հարավային Կովկասի պատվիրակության ղեկավար
Քաղաքականություն
05.08.2022 | 15:31
Եվրախորհրդարանի պատգամավոր, Հարավային Կովկասի հետ կապերի պատվիրակության նախագահ Մարինա Կալյուրանդը հայտարարություն է տարածել Արցախում Ադրբեջանի զինված ուժերի հարձակման կապակցությամբ։
«Ես ապշած եմ Լեռնային Ղարաբաղի շփման գծում հրադադարի վերջին լուրջ խախտումներից և, մասնավորապես, օգոստոսի 3-ին Ադրբեջանի կողմից Լաչինի միջանցքի շուրջ և հյուսիս-արևմտյան հատվածում սկսած ռազմական գործողությունից։ Ինչպես ընդունել է Ադրբեջանի ՊՆ-ն՝ նրա գործողությունը ներառել է ԱԹՍ-ների հարվածներ և արդյունքում գրավվել են մի շարք նոր դիրքեր շփման գծից այն կողմ։ Ես ցավում եմ երկու կողմերի մարդկային կորուստների համար և կոչ եմ անում՝ անհապաղ դադարեցնել ուժի կիրառումը: Կոչ եմ անում բոլոր դերակատարներին ցուցաբերել առավելագույն զսպվածություն և շեշտում, որ բոլոր զորամիավորումները պետք է նահանջեն իրենց դիրքերը՝ 2020 թվականի նոյեմբերի 9-ի եռակողմ հայտարարության համաձայն»,- ասվում է հայտարարության մեջ։
Նշվում է, որ Հայաստանն ու Ադրբեջանը պատմական հնարավորություն ունեն վերջ դնելու տասնամյակների հակամարտությանը և հիմքեր դնելու խաղաղ ու բարգավաճ տարածաշրջանի համար։
«Ես կոչ եմ անում բոլոր շահագրգիռ կողմերին՝ խուսափել ցանկացած գործողությունից, որը խաթարում է վստահությունը և սպառնում բանակցություններին այս վճռորոշ պահին»,- ասվում է Մարինա Կալյուրանդի հայտարարության մեջ։
Էմմա Չոբանյան
