16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Արցախի ՊԲ-ն՝ առաջնագծի իրավիճակի մասին․ Մակրոնը ԼՂ հարցով զանգել է Ալիևին․ Լուրեր
05.08.2022 | 13:55
- Արցախի ՊԲ-ից հայտնել են, որ այս գիշեր և առավոտյան 09:00-ի դրությամբ օպերատիվ իրադրությունը շփման գծում հարաբերականորեն կայուն է եղել։ Լարվածությունն, ընդհանուր առմամբ, պահպանվում է։ Որոշ ուղղություններում ադրբեջանական ստորաբաժանումները խախտել են հրադադարի պահպանման ռեժիմը՝ կիրառելով հրաձգային զինատեսակներ։ Հայկական կողմից կորուստներ չկան։ Նախորդ օրերին վիրավորում ստացած զինծառայողներից մի քանիսը դուրս են գրվել բժշկական հաստատություններից։ Վիրավոր զինծառայողներից 3-ի վիճակը շարունակում է մնալ ծանր, ևս մեկինը’ ծայրահեղ ծանր` դրական որոշակի դինամիկայով։
- Ֆրանսիայի նախագահ Էմանուել Մակրոնը Ադրբեջանի նախագահ Իլհամ Ալիևի հետ հեռախոսազրույցում քննարկել է Լեռնային Ղարաբաղում իրավիճակի սրման հարցը։ Զրույցը տեղի է ունեցել ֆրանսիական կողմի նախաձեռնությամբ։ Մակրոնը կոչ է արել լիարժեք թափ հաղորդել Հայաստանի հետ բանակցություններին, խուսափել էսկալացիայից և պահպանել եռակողմ հայտարարությամբ ստանձնած պարտավորությունները:
- Մի խումբ ցուցարարներ երեկ ներխուժել են Լոնդոնում Ադրբեջանի դեսպանատուն։ Պատին արաբերեն կարգախոսներ են փակցվել, իսկ Ադրբեջանի դրոշը իջեցվել է։ Խմբավորման որոշ անդամներ որպես դժգոհության պատճառ նշել են Ադրբեջանի կառավարության կողմից երկրում որոշ շիա մահմեդականների նկատմամբ հալածանքները:
Այս ժամի լուրերը՝ տեսանյութում։
