15.09.2026 | 18:10
ԵԽ-ն հաստատեց ՀՀ-ի համար առևտրի արտոնյալ պայմանների ռեժիմը // Առուշ Առուշանյանը չի ազատազրկվի․ ԼՈՒՐԵՐ
Մակրոնն Ալիևին կոչ է արել լիարժեք ծավալ հաղորդել Հայաստանի հետ բանակցություններին ու խուսափել լարվածությունից
Քաղաքականություն
05.08.2022 | 12:14
Ֆրանսիայի նախագահ Էմանուել Մակրոնը Ադրբեջանի նախագահ Իլհամ Ալիևի հետ հեռախոսազրույցում քննարկել է Լեռնային Ղարաբաղում իրավիճակի սրման հարցը։ Այս մասին հայտնում է Ելիսեյան պալատի կայքը։ Նշվում է, որ զրույցը տեղի է ունեցել ֆրանսիական կողմի նախաձեռնությամբ։ Մակրոնը կոչ է արել լիարժեք թափ հաղորդել Հայաստանի հետ բանակցություններին, խուսափել էսկալացիայից և պահպանել եռակողմ հայտարարությամբ ստանձնած պարտավորությունները:
«Էմանուել Մակրոնը մտահոգություն է հայտնել վերջին օրերին տարածաշրջանում ստեղծված լարվածության կապակցությամբ, ընդգծել է Ադրբեջանի և Հայաստանի միջև բանակցությունների շարունակման կարևորությունը և 2020 թվականի նոյեմբերի 10-ի (նոյեմբերի 9-ին Մոսկվայի ժամանակով) եռակողմ հայտարարության դրույթների կատարումը։Նա կոչ է արել անել ամեն բան՝ խուսափելու էսկալացիայից և լիարժեք ծավալ հաղորդելու Հայաստանի հետ բանակցություններին: Նա Ֆրանսիայի պատրաստակամությունն է հայտնել աջակցելու երկու երկրների միջև երկխոսության շարունակմանը»,- ասված է հաղորդագրության մեջ։
Ելիսեյան պալատից հայտնել են նաև, որ Մակրոնը նախօրեին հեռախոսազրույց է ունեցել նաև Հայաստանի վարչապետ Նիկոլ Փաշինյանի հետ:
Տաթև Ֆռանգյան
