07.06.2026 | 23:59
Իրակլի Կոբախիձեն շնորհավորել է Նիկոլ Փաշինյանին ընտրություններում հաջողության կապակցությամբ
Թուրքիայի ռազմածովային և ռազմաօդային ուժերի հրամանատարները պաշտոնանկ են արվել
Քաղաքականություն
04.08.2022 | 21:18
Թուրքիայում նախագահ Ռեջեփ Թայիփ Էրդողանի գլխավորությամբ տեղի է ունեցել Բարձրագույն զինվորական խորհրդի նիստ, որի արդյունքներով բանակի հրամանատարական կազմում մի շարք փոփոխություններ են տեղի ունեցել, գրում է «Անադոլու» գործակալությունը։
Հաղորդվում է, որ նախագահական պալատում գրեթե մեկ ժամ տևած փակ նիստին մասնակցել են փոխնախագահ Ֆուադ Օքթայը, արդարադատութան նախարար Բեքիր Բոզդաղը, ֆինանսների նախարար Նուրեսսին Նեբաթին, ՆԳ նախարար Սուլեյման Սոյլուն, կրթության նախարար Մահմութ Օզերը, պաշտպանության նախարար Հուլուսի Աքարը, ԳՇ պետ Յաշար Գյուլերը, ցամաքային զորքերի հրամանատար Մուսա Ավսևերը, ռազմածովային ուժերի հրամանատար Ադնան Օզբալը և ռազմաօդային ուժերի հրամանատար Հասան Քյուչուքյուզը։
Խորհրդի որոշմամբ՝ 2022 թվականի օգոստոսի 30-ից Թուրքիայի ԶՈՒ-ի 16 գեներալի ու ադմիրալի, ինչպես նաև 47 գնդապետի կոչումները բարձրացվել են։
Գլխավոր շտաբի պետ Յաշար Գյուլերի պաշտոնավարման ժամկետը երկարացվել է մեկ տարով։ Խորհուրդը որոշել է թոշակի ուղարկել ռազմածովային ուժերի հրամանատար Ադնան Օզբալին ու ռազմաօդային ուժերի հրամանատար Հասան Քյուչուքյուզին։ Նրանց փոխարեն նշանակվել են, համապատասխանաբար, ադմիրալ Էրջումենտ Թաթլըօղլուն և գեներալ Աթիլա Գյուլանը։
Էմմա Չոբանյան
