01.11.2024 | 21:16
Ադրբեջանի Մեջլիսի նախագահն ու Բաքվում ՌԴ դեսպանը Եվրախորհրդարանի «հակաադրբեջանական գործողություններն» են քննարկել
Միրզոյանը դեսպաններին ներկայացրեց Արցախի իրավիճակը․ Պեսկովի և ՀԱՊԿ քարտուղարի կոչերը կողմերին․Լուրեր
Քաղաքականություն
04.08.2022 | 16:12
- ՀՀ ԱԳ նախարար Արարատ Միրզոյանն ընդունել է Հայաստանում հավատարմագրված դիվանագիտական ներկայացուցչությունների ղեկավարներին։ Միրզոյանը դեսպանների ուշադրությունն է հրավիրել վերջին օրերին Լեռնային Ղարաբաղում Ադրբեջանի կողմից սադրիչ և ագրեսիվ գործողությունների արդյունքում ստեղծված իրավիճակին: Նա նշել է, որ ադրբեջանական զինված ուժերը ագրեսիա են ձեռնարկել ռուսական խաղաղապահ զորքերի պատասխանատվության գոտում: ՀՀ ԱԳ նախարարն առանձնահատուկ ընդգծել է, որ ադրբեջանական կողմը պաշտոնապես և անթաքույց կերպով ստանձնել է ագրեսիայի պատասխանատվությունը:
- Ռուսաստանի նախագահի խոսնակ Դմիտրի Պեսկովը հայտարարել է, որ Կրեմլը մտահոգված է Ղարաբաղում իրավիճակի սրմամբ, հետևում է դրա զարգացմանը և կողմերին զսպվածության կոչ է անում։ Պեսկովը չի նշել, թե որ կողմն է սկսել հարձակումը, թեև ռուսական խաղաղապահ ուժերը մինչ այդ հայտնել էին ադրբեջանցիների կողմից հրադադարի խախտումների մասին։
- ՀԱՊԿ գլխավոր քարտուղարը հայտարարություն է տարածել, որ կառույցի քարտուղարությունը մտահոգված է Լեռնային Ղարաբաղում տեղի ունեցած զինված բախումների կապակցությամբ, որոնք հանգեցրել են մարդկային կորուստների։ Նա կողմերին կոչ է արել զերծ մնալ ուժի կիրառումից և կիրառել բացառապես դիվանագիտական մեթոդներ՝ առկա տարաձայնությունները հաղթահարելու համար։
- Արցախի խորհրդարանի 5 խմբակցությունները համատեղ հայտարարություն են տարածել, որում նշվում է, որ Ադրբեջանը մշտապես վարել է էթնիկ զտումների, բռնատեղահանության քաղաքականություն, հետևողականորեն խախտելով Արցախի քաղաքացիների կենսական շահերն ու իրավունքները։ Վերջին օրերի իրադարձությունները՝ զոհերի և վիրավորների առկայությունը մեկ անգամ ևս փաստում են, որ Ադրբեջանի կազմում խաղաղ գոյակցությունը Արցախի համար բացառված է։
Այս ժամի լուրերը՝ տեսանյութում։
